Vuçiq blen vota për Listën Serbe në zgjedhje lokale të Kosovës: 400 vende të reja të punës në shëndetësi brenda 10 ditësh

Presidenti i Serbisë, Aleksandar Vuçiq, është angazhuar duke blerë votën dhe besnikërinë ndaj Listës Serbe te serbët e Kosovës duke premtuar “brenda 10 ditësh, 400 vende të reja të punës në shëndetësi”, siç e citoi media serbe “KoSSeV”.

"Do të hapim 400 vende të reja pune në strukturën e kujdesit shëndetësor në Kosovë dhe 400 familje. Kjo është shumë e rëndësishme për Kosovën dhe do ta bëjmë këtë brenda dhjetë ditëve të ardhshme, në mënyrë që njerëzit të dinë se ne gjithmonë do të kujdesemi për të", tha Vuçiqi.

Lista Serbe, partia më e madhe e serbëve të Kosovës, funksionon si degë e Partisë Përparimtare të Serbisë që udhëhiqet nga Aleksandar Vuçiq.