Vrasja në Ferizaj, raporti policor jep detaje
Vrasjen e mbrëmshme në Ferizaj, Policia e Kosovës e ka evidentuar edhe në raportin 24 orësh.
Aty bëhet e ditur se i dyshuar është vet-dorëzuar në stacionin policor.
Sipas raportit, me rastin është njoftuar prokurori dhe Inspektorati Policor i Kosovës.
“VRASJE-Fsh. Bibaj, Ferizaj 16.08.2024 – 19:25. Një mashkull kosovar ka mbetur i vdekur pasi është qëlluar me armë zjarri. I dyshuari lidhur me rastin është një zyrtar policor jashtë detyrës zyrtare. Vdekjen e viktimës e ka konstatuar ekipi mjekësor në vendin e ngjarjes. I dyshuari lidhur me rastin është vet-dorëzuar në stacionin policor. Lidhur me rastin është njoftuar prokurori dhe Inspektorati Policor i Kosovës të cilët do ta procedojnë rastin”, është thënë në raportin 24 orësh.
