Von der Leyen për varrimin e “kasapit” Mladiqit në Beograd: Pamjet ishin tronditëse

Presidentja e Komisionit Evropian, Ursula von der Leyen, i ka cilësuar si “tronditëse” pamjet nga varrimi i kriminelit të dënuar të luftës, Ratko Mladiq, në Beograd.

Ajo ka theksuar se Mladiqi ishte përgjegjës për gjenocid, krime lufte dhe krime kundër njerëzimit dhe se vdiq duke vuajtur dënimin me burgim të përjetshëm për gjenocidin në Srebrenicë dhe krime të tjera.

Von der Leyen ka kritikuar praninë e zyrtarëve të lartë serbë dhe elementet e mbështetjes zyrtare në varrim, duke i cilësuar ato si “thellësisht për të ardhur keq”.

Sipas saj, kjo tregon dështim për t’u përballur me një kapitull të errët të historisë së Evropës dhe bie ndesh me vlerat që mbështesin rrugëtimin e Serbisë drejt Bashkimit Evropian.

Ajo ka shprehur gjithashtu solidaritet me të gjitha viktimat e krimeve të kryera në vendet e ish-Jugosllavisë.