Vdes Bozhidar Deliq - Nënkryetar i Kuvendit të Serbisë, i dyshuar për krime lufte në Kosovë

Ka vdekur Bozhidar Deliq, general i Ushtrisë së Serbisë, dhe së fundmi i emëruar nënkryetar i Kuvendit në Serbi.

Lajmin e kanë konfirmuar zyrtarë të partisë së Deliqit për gazetën serbe B92, transmeton Nacionale.

ish-gjenerali ushtarak, Bozhidar Deliq, ishte komandant i një brigade të Ushtrisë Jugosllave gjatë luftës në Kosovë.

Ai ishte lider i koalicionit të së djathtës, NADA (Shpresa) para zgjedhjeve në Serbi, që u mbajtën më 3 prill të këtij viti.

Gjatë luftës në Kosovë në vitin 1999, Bozhidar Deliq ishte komandant i Brigadës së 549 të Ushtrisë Jugosllave.

Në zonat ku Deliq kishte qenë komandant, ishin kryer masakra të mëdha në Kosovë.

Ndaj tij ishin ngritur disa herë edhe kallëzime penale.