Ushtria shqiptare dhe FSK-ja me stërvitje të përbashkët në det: Një traditë e qëndrueshme që garanton operacionalitet
Ushtria shqiptare dhe FSK-ja kanë zhvilluar edhe një stërvitje të përbashkët.
Kësaj radhe FSK-ja ka zhvilluar një stërvitje me Forcat Detare të Shqipërisë në Pashaliman.
Ministri i Mbrojtjes së Shqipërisë, Pirro Vengu, e ka vlerësuar lartë këtë stërvitje.
Në profilin e tij në “Facebook”, ai ka shkruar se kjo është një traditë e qëndrueshme që garanton operacionalitet.
“FSK-ja me stërvitje të përbashkët me Forcat Detare të Shqipërisë në Pashaliman Efektivët e Qendrës së Zhytjes së Forcës Detare 🇦🇱 zhvilluan në Pashaliman stërvitjen e përbashkët me kolegët e Forcës së Sigurisë së Kosovës 🇽🇰. 🔹 Një traditë e qëndrueshme që garanton operacionalitet, ndërveprim dhe rritje të kapaciteteve për misionet nënujore”, ka shkruar Vengu.
