Udhëheqësit evropianë takohen me Trumpin dhe Zelenskin për Ukrainën

Trump sugjeroi që në javët e ardhshme mund të shihet një lloj zgjidhjeje.

"Mendoj se edhe Presidenti Putin dëshiron të gjejë një përgjigje, dhe do ta shohim," tha ai.

"Në një periudhë të caktuar kohore, jo shumë larg nga tani, një ose dy javë, do të dimë nëse do ta zgjidhim apo jo këtë problem, apo këto luftime të tmerrshme do të vazhdojnë."

Çka thanë liderët Europianë?

Udhëheqësit ishin ulur rreth një tavoline të madhe dhe iu drejtuan me radhë drejtpërdrejt Trumpit.

Formati është i ngjashëm me mbledhjet e fundit të kabinetit të Trumpit, ku krerët e agjencive e lavdërojnë Trumpin dhe më pas ngrenë çështje specifike që duan të nxjerrin në pah.

MARK RUTTE I NATO-s:

"Duhet ta ndalojmë vrasjen. Duhet ta ndalojmë shkatërrimin e infrastrukturës së Ukrainës. Kjo është një luftë e tmerrshme", tha Rutte. Ai e falënderoi Trumpin dhe tha se ai "e theu bllokimin".

URSULA VON DER LEYEN E KOMISIONIT EVROPIAN:

"Jemi këtu për të punuar së bashku me ju për një paqe të drejtë dhe të qëndrueshme për Ukrainën, për të ndaluar vrasjet".

"Çdo fëmijë duhet të kthehet në familjen e tij".

FRIEDRICH MERZ I GJERMANISË:

"Nuk mund ta imagjinoj që mbledhja e ardhshme të zhvillohet pa një armëpushim. Pra, le të punojmë për këtë dhe le të përpiqemi të ushtrojmë presion mbi Rusinë".

GIORGIA MELONI I ITALISË:

"Do të flasim për shumë tema të rëndësishme. E para është garancitë e sigurisë, si të sigurohemi që kjo nuk do të ndodhë përsëri, që është parakushti i çdo lloj paqeje."

EMMANUEL MACRON I FRANCËS:

"Kemi punuar shumë gjatë viteve të fundit për të pasur një paqe, e cila është një paqe e fortë dhe afatgjatë. Kjo është arsyeja pse ideja e një takimi trepalësh është shumë e rëndësishme sepse kjo është e vetmja mënyrë për ta rregulluar atë."

KEIR STARMER I MBRETËRISË SË BASHKUAR:

"Po flasim për sigurinë, jo vetëm të Ukrainës, po flasim edhe për sigurinë e Evropës dhe Mbretërisë së Bashkuar, prandaj kjo është një çështje kaq e rëndësishme."

ALEXANDER STUBB I FINLANDËS"

"Fakti që jemi rreth kësaj tryeze sot është shumë simbolik, në kuptimin që është Ekipi i Evropës dhe Ekipi i Shteteve të Bashkuara që po ndihmojnë Ukrainën."

Ai tha se Finlanda ndan një kufi të gjatë me Rusinë dhe kishte përvojën e vet me vendin gjatë Luftës së Dytë Botërore.

"Ne gjetëm një zgjidhje në vitin 1944 dhe jam i sigurt se do të jemi në gjendje të gjejmë një zgjidhje në vitin 2025 për t'i dhënë fund luftës së agresionit të Rusisë, për të gjetur dhe për të arritur një paqe të qëndrueshme dhe të drejtë."