“T’u konfiskohen 184 mijë euro”: Prokuroria Speciale ngrit aktakuzë ndaj 18 personave për rastin “Subvencionet V”
Prokuroria Speciale ka ngritur sot aktakuzë në Gjykatën Themelore kundër 18 persona të dyshuar për rastin e njohur si “Subvencionet V”.
Inicialet e të pandehurve janë:
“K.Z, L.S, S.SH, A.U, V.H, B.P, A.GJ, G.A, K.S, B.S, V.I, F.J, F.Y, A.N, A.S, A.T, B.O dhe M.M.”
Prokuroria ka njoftuar se të pandehurit dyshohen për veprat penale: ‘’Keqpërdorim i pozitës apo autoritetit zyrtar’’, ‘’Marrja e ryshfetit’’, ‘’Dhënia e ryshfetit’’ , ‘’Ushtrim i ndikimit’’ si dhe ‘’Mashtrim me subvencione”.
Katër prej të pandehurve, janë nga Ministria e Bujqësisë, dy janë nga Regjioni i Gjilanit në kuadër të AZHB-së, një zyrtar në Komunën e Kllokotit, një zyrtar në Komunën e Vitisë dhe 10 të pandehur të tjerë jaën qytetarë.
Po ashtu, në fund të njoftimit thuhet se Prokuroria Speciale ka propozuar që të konfiskohet dobia pasurore e sekuestruar nga të pandehurit e fituar me kryerjen e veprave penale në vlerë 184,000.00 euro.
