Trump për Iranin: “Do t’i godasim shumë rëndë”
Presidenti i SHBA-së, Donald Trump, tha se “do t’i godasim shumë rëndë”, ndërsa kritikoi Iranin për dështimin në arritjen e një marrëveshjeje.
“Ne i goditëm shumë rëndë mbrëmë. Sa herë që dërgojnë një dron, ne i godasim shumë rëndë. Por ne kishim një marrëveshje. Ajo që askush nuk e di është se ne kishim një marrëveshje. Ishte një marrëveshje e përfunduar, dhe më pas ata e shkelën. Ata gjithmonë i shkelin marrëveshjet. Kemi pasur 10 marrëveshje me këta njerëz, prandaj tani thjesht do t’i godasim shumë rëndë”, tha ai në një intervistë telefonike për Fox News.
Trump tha se, përveç rifillimit të sulmeve, SHBA-ja do të bëhej “roja” e Ngushticës së Hormuzit.
“Tani do ta ruajmë dhe do të paguhemi për ruajtjen e saj”, tha ai.
Trump tha se do të kërkonte pagesë për ruajtjen e Ngushticës së Hormuzit, sepse “ne thjesht duam të rimbursohemi për gjithë këtë që po bëjmë, për faktin se po i vëmë njerëzit tanë në rrezik”.
