Trump është kureshtar pse Irani nuk ka “kapitulluar”, thotë i dërguari amerikan Witkoff
Presidenti i Shteteve të Bashkuara, Donald Trump, po pyet pse Irani ende nuk ka “kapitulluar” përballë shtimit të pranisë ushtarake të Uashingtonit në Lindjen e Mesme, ka thënë i dërguari i posaçëm i presidentit amerikan, Steve Witkoff.
Witkoff i tha Fox News të shtunën se Trump ishte “kureshtar” në lidhje me qëndrimin e Iranit, pasi ai kishte paralajmëruar për një goditje të kufizuar ushtarake nëse nuk arrihej një marrëveshje për programin bërthamor të Teheranit.
Në intervistën e tij për Fox News, Witkoff tha: “Nuk dua ta përdor fjalën ‘i frustruar’... sepse ai e kupton se ka mjaft alternativa, por është kureshtar pse ata nuk kanë... nuk dua ta përdor fjalën ‘kapitulluar’, por pse ata nuk kanë kapitulluar.”
Pse, nën këtë lloj presioni, me sasinë e fuqisë detare dhe ushtarake që kemi atje, ata nuk kanë ardhur tek ne dhe të thonë: "Ne deklarojmë se nuk duam një armë, prandaj ja çfarë jemi të gatshëm të bëjmë’?”
“E megjithatë është e vështirë t’i çosh disi në atë pikë”, shtoi i dërguari i Trumpit.
