Trump dha urdhrin përfundimtar për të goditur objektet bërthamore iraniane të shtunën
Presidenti Donald Trump dha urdhrin përfundimtar që SHBA të godasë objektet bërthamore iraniane të shtunën, sipas një zyrtari të lartë të Shtëpisë së Bardhë që foli për CNN.
Trump kishte qenë duke shqyrtuar për disa ditë përfshirjen e SHBA-së dhe kishte udhëzuar zëdhënësen e tij për shtyp që të jepte një afat dy-javor nga salla e informimit gjatë ditëve të fundit. Por në diskutime të mbyllura me stafin e tij të lartë, ai kishte shfaqur prirjen për t’iu bashkuar fushatës ushtarake të Izraelit, ndërkohë që i dërguari i tij, Steve Witkoff, po vazhdonte përpjekjet diplomatike.
Trump mori vendimin përfundimtar të shtunën dhe i dha udhëzimin Sekretarit të Mbrojtjes, Pete Hegseth, për të vijuar me sulmin, sipas këtij zyrtari.
Bomba masive “bunker buster” u hodhën mbi dy prej objekteve bërthamore rreth orës 18:40 sipas kohës lokale në SHBA (ET) të shtunën, duke e vendosur kohën e sulmit rreth orës 02:10 të mëngjesit të dielën në Iran, sipas një kronologjie të ofruar nga Shefat e Shtabit të Përbashkët të SHBA-së.
Trump e mori vendimin “minuta para se bombat të binin”, tha sot në mëngjes Zëvendëspresidenti JD Vance gjatë një interviste në emisionin “Meet the Press” në NBC me gazetaren Kristen Welker, duke shtuar se Trump “kishte mundësinë ta ndalonte sulmin deri në momentin e fundit”, por vendosi të vazhdonte.
