Trudeau: Varret masive të zbuluara në Ukrainë janë dëshmi e krimeve të luftës të Rusisë

Kryeministri kanadez Justin Trudeau tha se varret masive të zbuluara në Ukrainë janë prova e krimeve të luftës të Rusisë në atë vend.

“Natyrisht, Mbretëria e Bashkuar dhe Kanadaja kanë qenë ndër vendet që kanë ofruar mbështetjen më të madhe për Ukrainën dhe kanë qëndruar përballë veprimeve të paligjshme të Rusisë”, u tha Trudeau gazetarëve në Londër, ku do të marrë pjesë në funeralin e Mbretëreshës Elizabeth.

"Këto veprime përfshijnë gjithnjë e më shumë krime lufte, ato përfshijnë krime absolutisht të papranueshme, pavarësisht nëse po flasim për atë që gjetëm në Bucha apo zbulimin e varreve masive në territoret që Ukraina i ktheu kohët e fundit", shtoi ai. /Nacionale/