Tre të plagosur në Klinë, njëri në gjendje të rëndë
Të dielën rreth orës 23:00, në fshatin Jashanicë të Klinës, tre persona janë plagosur, njëri me armë zjarri dhe dy të tjerë me mjete të forta.
Personi i plagosur me armë zjarri është në gjendje të rëndë shëndetësore, ndërsa i dyshuari për të shtënat është larguar nga vendi i ngjarjes.
Zëdhënësi i Policisë së Kosovës për rajonin e Pejës, Fadil Gashi, tha se policia është duke e hetuar rastin.
“Rreth orës 22:40 në fshatin Jashanicë të Klinës, tre persona janë plagosur, një me armë zjarri dhe dy të tjerë me mjete të forta. Personi i plagosur me armë është në gjendje të rëndë shëndetësore. I dyshuari është larguar nga vendi i ngjarjes”, ka deklaruar Gashi.
