Totaj: Rruga Prizren-Tetovë nuk mund të ndërtohet pa bashkëpunim, ka mungesë transparence
Kryetari i Prizrenit, Shaqir Totaj, ka pasur kritika për mungesën e transparencës rreth rrugës Prizren-Tetovë.
“Kjo rrugë nuk mund të ndërtohet pa pasur bashkëpunim mes dy qeverive! Nuk e di sa ka bashkëpunim, nuk e di sa ka nënshkrim të marrëveshjeve”, tha kryetari i komunës së Prizrenit, Shaqir Totaj në lidhje me rrugën Tetovë-Prizren.
Totaj akuzoi qeverinë e Kosovës për mungesë të transparencës në këtë projekt.
“Në Kosovë ka punime që po realizohen. Ne po ballafaqohemi me mungesë të transparencës dhe me mungesë të informacioneve të sakta se çka po punohet, në çfarë drejtimi po punohet edhe shumë informacione të tjera që do të duhej të ishin publike, që ne nuk i kemi. Por projekti si i tillë, ideja për një projekt të tillë gjithsesi duhet të përshëndetet dhe duhet të besojmë se do të realizohet”, shtoi Totaj.
