Sulm i IS në Kabul, tetë të vdekur

Shteti Islamik (IS) ka marrë përgjegjësinë për një shpërthim në një lagje banimi shiite të Kabulit që vrau tetë persona, tha grupi radikal sunit.

Përveç tetë të vdekurve, 18 persona u plagosën në sulm, tha policia afgane.

“Pajisja shpërtheu në një vend të frekuentuar”, tha zëdhënësi i policisë Khalid Zadran.

IS ka marrë përgjegjësinë për një seri sulmesh të fundit, kryesisht duke synuar komunitetin pakicë shiit.

Dega e IS-it ka operuar në Afganistan që nga viti 2014 dhe përfaqëson sfidën më serioze të sigurisë që kur talebanët rimorën pushtetin në vend në gusht të vitit të kaluar. /Nacionale/