Stoltenberg: Raketa në Poloni, me gjasë e Ukrainës, por nuk është faji i saj
Sekretari i përgjithshëm i NATO-s, Jens Stoltenberg, ka thënë se një analizë fillestare lë të kuptohet se incidenti mund të jetë shkaktuar nga një raketë ukrainase e mbrojtjes ajrore, e hedhur për ta mbrojtur territorin ukrainas nga sulmet ruse me raketa.
Ai shtoi: “Më lejoni që të jem i qartë, ky nuk është faji i Ukrainës. Rusia e bart përgjegjësinë përfundimtare përderisa e vazhdon luftën e saj të paligjshme kundër Ukrainës.”
Sekretari i NATO-s shtoi se nuk ka shenja që raketa ishte rezultat i një sulmi të qëllimshëm ose që Rusia është duke përgatitur ofensivë ushtarake kundër aleancës.
