Stano një ditë para takimeve në Bruksel: Fokusi te nevoja urgjente për fillimin e zbatimit të marrëveshjes
Zëdhënësi i Bashkimit Evropian, Peter Stano ka thënë se fokusi i takimeve të enjten në Bruksel do të jetë nevoja urgjente për fillimin e zbatimit të Marrëveshjes në rrugën drejt normalizimit.
Stano në një përgjigje për “RTV 21”, nuk ka treguar nëse do të ketë takim trepalësh.
“Fokusi në takim është nevoja urgjente për të filluar me zbatimin e Marrëveshjes së vitit 2023 për Rrugën drejt Normalizimit dhe për të ndihmuar palët të ecin përpara dhe të arrijnë përparim në Dialog.” – citohet se ka thënë ai.
