Sot varroset Auron Myftari, i cili dyshohet se u ther për vdekje nga vëllai i tij
Sot do të bëhet varrimi i Auron Myftarit, të riut i cili dyshohet se u ther për vdekje nga vëllai i tij, Gent Myftari.
Vëllai tjetër, Agon Myftari përmes një postimi në Facebook ka bërë të ditur se familja nuk do të hapë të pame.
“Ju njoftojmë se varrimi i Auron (Hazir) Myftarit do të bëhet më 29 tetor 2024, me namazin e drekës (ora 12:00), në varrezat e qytetit në Arbëri”.
“Njëkohësisht, ju njoftojmë se për shkak të rrethanave, familja nuk do të hapë të pame. Pritja do të bëhet vetëm në varreza”, ka shkruar tutje Myftari.
