Sokol Havolli del i pari në listë për Kryeshef të Prishtina Parking
Prishtina Parking ka publikuar dokumentin me rezultatet e kandidatëve për pozitën e Kryeshefit Ekzekutiv.
Në një njoftim në Facebook shihet se i pari i kësaj liste është Sokol Havolli me me 38.75 pikë, ndërkohë Qëndrim Vitija me 35.25 pikë, Gazmend Rexhepi me 32.50 pikë, Ismet Rakovica me 28 pikë dhe Nexhmi Uka me 24.50 pikë.
“Bordi i Përkohshëm i Drejtorëve, sipas rezultatit të treguar gjatë procedurave rekrutuese dhe në bazë të dokumentacionit, që posedon, si kandidat potencial dhe me mundësi zgjedhje për këtë vend pune cakton kandidatin me më së shumti pikë”, thuhet në dokument.
