Shtyhet për herë të dytë ndeshja Prishtina - Drita

FC Prishtina ka njoftuar sërish se ndeshja ndaj Dritës është shtyrë për një tjetër datë.

Derbi mes Prishtinës dhe Dritës ishte planifikuar të zhvillohet të enjten e kaluar, por u shty shkaku që Ballkani zhvillojë ndeshjen e kthimit kundër Shkupit.

Komisioni i Garave planifikoi që të zhvillohet pastaj një javë më vonë, por kanë "harruar" se atë ditë luan Kombëtarja e Kosovës në kategorinë e femrave.

Postimi i plotë pa ndërhyrje:

"Sërish shtyhet ndeshja Prishtina - Drita

Ndeshja e xhiros së tretë në Albi Mall Superligën e Kosovës, FC Prishtina - Drita është shtyrë për herë të dytë.

Derisa herën e parë shtyrja erdhi për shkak të ndeshjes Ballkani - Shkupi, e cila u zhvillua të enjten e kaluar në Ligën e Konferencës në stadiumin tonë, "Fadil Vokrri", sfida e planifikuar për të enjten që vjen është shtyrë për shkak se luan Përfaqësuesja e Kosovës (femrat).

Për datën e re të zhvillimit të këtij takimi do të njoftoheni me kohë pasi që të vendosë Komisioni i Garave”, shkroi klubi ‘bardhëkaltër’.