Shijojeni të shtunën, këto janë temperaturat për sot

Gjatë kësaj fundjave pritet që në vendin tonë të mbajë mot kryesisht me diell dhe i ngrohtë.

Kështu ka bërë të ditur "Prishtina Weather". Sidoqoftë, sipas kësaj faqeje, do të ketë edhe vranësira kalimtare.

“22.10 - Ngrohtë, kryesisht me diell dhe vranësira kalimtare kohë pas kohe.

23.10 - Kryesisht me diell dhe ngrohtë. Ditën me vranësira kalimtare.

24.10 - Më ngrohtë, me kthjellime e diell. Në mëngjes përgjatë ultësirave mundësi për mjegull.

25.10 - Shumë ngrohtë, e kryesisht me diell.

26.10 - Pas mëngjesit me mundësi për mjegull, ditën pjesërisht vranët, mbetet ngrohtë”, thuhet në njoftim.

Sipas "Prishtina Weather", temperaturat do të jenë në rritje: minimalet nga 5C deri në 9C e maksimalet deri në 23C, ditën e diel, e deri të martën edhe 25C.

Erërat pritet të fryejnë kryesisht nga jugu e jugperëndimi, të lehta dhe mesatare, me shpejtësi 2 - 9 m/s.

Shtypja atmosferike mbetet e lartë, mbi vlera normale.