Shembet një varrezë në Itali, arkivolet mbeten të varura në ajër
Dhjetëra arkivole kanë mbetur të varura në ajër pas shembjes së një varreze katërkatëshe në Napoli të Italisë.
Incidenti, është i dyti në vend për këtë vit me kritikët që kanë fajësuar menaxhimin e dobët të varrezave në qytetin jugor italian.
Sipas the Guardian, pas incidentit autoritetet kanë mbyllur varrezat Poggioreale, ndërsa ka nisur një hetim i veçantë për shembjen e ndërtesës së mermerit të quajtur Ringjallja, pasi edhe në janar, në një zonë tjetër të qytetit ishte shembur një ndërtesë e ngjashme duke shkatërruar 300 arkivole.
Një incident i ngjashëm kishte ndodhur dhe në shkurt të vitit të kaluar, ku si shkak i rrëshqitjes së dheut ishte shembur një varrezë duke bërë që të bien në det 200 arkivole pranë qytetit Ligurian të Camogli.
