Shefi i OKB-së në Ukrainë, takim me Zelenskyn e Erdoganin për eksportet e grurit
Shefi i OKB-së ka mbërritur në Ukrainë, përpara një samiti për të rishikuar marrëveshjen përparimtare të nënshkruar gati një muaj më parë që lejoi eksportin e grurit ukrainas dhe ofroi një shenjë shprese gjatë një krize globale ushqimore.
Sekretari i Përgjithshëm i OKB-së António Guterres, gjatë ditës do të takohet me presidentin ukrainas Volodymyr Zelensky dhe presidentin turk Recep Tayyip Erdogan në qytetin perëndimor të Lviv.
Guterres pritet të vizitojë një port të Detit të Zi, në qendër të marrëveshjes së grurit të Ukrainës.
Ndërsa, autoriteti i porteve detare ka bërë të ditur se në Ukrainë kanë mbërritur edhe pesë anije që pritet të ngarkojnë më shumë se 70,000 ton produkte bujqësore, duke përfshirë grurë, misër dhe vaj të lulediellit. Ai tha se ky do të jetë karvani më i madh deri më tani sipas marrëveshjes së mbështetur nga OKB.
