Shefi i BE-së viziton veriun: Kosova dhe Serbia të angazhohen në dialog

Shefi i Zyrës së Bashkimit Evropian në Kosovë, Tomas Szunyog, në fund të mandatit të tij ka vizituar veriun e vendit.

Atje është takuar me përfaqësues të partive politike dhe shoqërisë civile.

Szunyog tha se Kosova dhe Serbia duhet të angazhohen në dialog.

“Sapo përfundova vizitën time të fundit në veri të Kosovës, ku pata rastin të bisedoj me përfaqësues të partive politike dhe organizatave të shoqërisë civile. Duke i falënderuar për bashkëpunimin, shpreha nevojën që Kosova dhe Serbia të angazhohen në dialog”, ka shkruar ai në platformën X.