ShBA planifikon t’u kërkojë vizitorëve të deklarojnë 5 vjet histori të rrjeteve sociale
Departamenti i Sigurisë së Brendshme në SHBA ka paraqitur një propozim të ri që kërkon që aplikantët për hyrje në Shtetet e Bashkuara – veçanërisht ata që aplikojnë për programe si ESTA dhe viza të caktuara – të deklarojnë informacion për aktivitetin e tyre në rrjetet sociale për pesë vitet e fundit.
Ky propozim vjen si pjesë e përpjekjeve të SHBA-së për të rritur sigurinë kombëtare dhe për të identifikuar rreziqe të mundshme përmes analizimit të postimeve publike, kontakteve dhe prirjeve të përdoruesve në platforma të njohura si Facebook, Instagram, X (Twitter), TikTok, YouTube e të tjera.
