ShBA, përplasen në ajër dy avionë të Luftës së Dytë Botërore

Autoritetet kanë bërë të ditur se të shtunën, në një shfaqje ajrore në Dallas janë përplasur dy avionë të epokës së Luftës së Dytë Botërore, duke e kthyer ngjarjen përkujtimore të Ditës së Veteranëve në një skenë tmerri.

Administrata Federale e Aviacionit, ka thënë se nuk është ende e qartë se sa njerëz kanë qenë në bord në kohën e përplasjes apo nëse ka të mbijetuar.

Bëhet e ditur se përplasja në ajër ka ndodhur mes një Boeing B-17 Flying Fortress dhe një Bell P-63 Kingcobra, në shfaqjen ajrore Wings Over Dallas në Aeroportin Ekzekutiv të Dallasit.

Lufta në Ukrainë / Sa dhe pse është e rëndësishme tërheqja ruse nga Khersoni?

Bombarduesi B-17 ka luajtur një rol të madh në fitoren e luftës ajrore kundër Gjermanisë në Luftën e Dytë Botërore, ndërsa avioni i dytë, P-63 Kingcobra, ishte një avion luftarak i përdorur në të njëjtën luftë, por vetëm nga Forcat Ajrore Sovjetike.