SHBA nis valën e re të sulmeve ndaj Iranit, në shënjestër aftësitë ushtarake
Në një postim në X, Komanda Qendrore e SHBA-së tha se ka nisur “një valë sulmesh” kundër Iranit rreth orës 6:00 të mëngjesit, sipas kohës lokale.
“Sulmet janë të dizajnuara për të degraduar më tej aftësitë ushtarake që forcat iraniane kanë përdorur për të sulmuar anijet tregtare në Ngushticën e Hormuzit”, thuhet në postim.
Ndërkohë, zyrtarë iranianë pretendojnë se nga këto sulme janë vrarë më shumë se 30 persona.
Admirali Brad Cooper, kreu i Komandës Qendrore të SHBA-së, tha se Irani ka sulmuar shtatë anije tregtare gjatë javës së kaluar.
Në një deklaratë të publikuar në mediat sociale, Cooper tha se sulmet kanë rezultuar me gati një duzinë anëtarësh të ekuipazheve civile të vrarë, të plagosur ose të zhdukur.
“Forcat iraniane kanë lëshuar gjithashtu dhjetëra raketa dhe dronë drejt vendeve fqinje të Gjirit”, tha Cooper në deklaratë. “Forcat amerikane po e mbajnë Iranin përgjegjës për agresionin e pajustifikuar që vazhdon të rrezikojë jetë të pafajshme.”
Zyrtarët amerikanë kanë thënë se SHBA-ja ka nisur disa raunde sulmesh hakmarrëse në përgjigje të sulmeve iraniane.
