Sergei Shoigu flet me Lloyd Austin për herë të dytë në tre ditë
Ministria e Mbrojtjes ruse ka bërë të ditur se ministri rus Sergei Shoigu, të dielën ka folur sërish me me homologun e tij amerikan, Lloyd Austin – biseda e dytë e tyre në tre ditë.
Dyshja realizoi një telefonatë edhe ditën e premte, për herë të parë që nga muaji maj ku u bë e ditur se është diskutuar edhe lufta në Ukrainë, ndërsa në deklaratën e lëshuar sot nuk janë dhënë detaje në lidhje me temën e diskutimit apo rezultatin e telefonatës mes dy zyrtarëve.
Gjatë ditës u bë e ditur se ministri rus i Mbrojtjes Sergei Shoigu ka pasur telefonata edhe me ministrat e Mbrojtjes britanike, franceze dhe turke.
