‘S`dilet në debat me Ramabjën’; ‘mos i shpërthekoni këmishat’: Syla dhe Kajtazi thumbohet keq
Analistët politikë të debateve televizive duket se nuk kritikojnë vetëm pozitën dhe opozitën. Jo rrallë, ata kritikohen edhe në mes vete.
Një gjë e tillë ka ndodhur edhe sot.
Valon Syla, i cili është analist i përhershëm i emisionit “Pressing” në T7, ka ironizuar me analistët e emisionin “Rubikon” të Klan Kosovës.
Në profilin e tij në “Facebook”, Syla ka kërkuar nga kolegët e tij që të mos dalin në emision me këmisha të shpërthekuar.
“Kallxoni ktyne analistave te Klan Kosoves se ka ndërru moti... mos të dalin mo me këmisha te çpërthekuta në gjyks me kallxu leshin”, ka shkruar Syla.
Ndaj tij, ka reaguar Vehbi Kajtazi, i cili është analist i përhershëm në emisionin “Rubikon”.
Duke ironizuar, edhe ai ka thumbuar kolegët e tij në të Presingut, duke thënë se në kohë paqeje nuk dilet në debat me aktivistin e VV-së, Sadri Ramabaj.
“Kallxoni analistave te Pressingut se nuk dilet ne emision me Sadri Ramabajen ne kohe paqeje”, ka shkruar Kajtazi.
