Rrustem i VV-së për Gjykatën Speciale: E kemi pas paralajmëru këtë proces të dëmshëm

Deputeti i Vetëvendosjes, Adnan Rrustemi, në nëntë vjetorin e votimit për themelimin e Gjykatës Speciale i ka kushtuar pak kohë të tregojë “e kemi pas paralajmëru” si proces të dëmshëm.

Rrustemi, që shkruan sikur gjuhën shqipe ta kishte gjuhë të dytë, ka provuar dorën të thotë diçka, të cilën po e sjellim të plotë:

“Shumë procese të dëmshme politike i kemi paralajmëruar dhe prandaj i kemi kundershtuar ashpër. I tillë ka qenë edhe procesi i themelimit të Gjykatës Speciale. Është e rëndë të mendosh se si fati i një populli, i një historie, është në mëshirën e një votimi të papërgjegjshëm sidomos të atyre sot që bëhen kinse duan ta mbrojnë historinë e lavdishme por duke e ndryshuar historikun e formimit të kësaj Gjykate”, ka shkruar ai.