Rrahmaj Jasharaj takon Nagavcin: S’pajtohen - NACIONALE

Rrahmaj Jasharaj takon Nagavcin: S’pajtohen

2 javë më parë

nga NACIONALE

Mnitria e Arsimit Shkencës dhe Teknologjisë përmes një komunikate për media, ka njoftuar se ministrja Nagavci është takuar me me përfaqësues së SBASHK-ut.

Të ulur ballë-përballë njëri-tjetrit, Jashraj e Nagavci, diskutuan për mudnësinë e zgjidhjes së ngërçit i cili u krijua, në mes sindikatës e qeverisë.

Nagavci bëhet e ditur se i ka kërkuar Jashrajt kthimin e nxënësve në shkollë, duke argumentuar se pako sociale e ndarë nga qeveria, e nga ku mësuesit pritet të përfitojnë nga 50 euro, është e mjaftueshme që ata të kthehen në punë.

Në anën tjetër bëhet e ditur se Jasharaj nuk është pajtuar me ministrën, duke vazhduar të qëndroj pranë kërkesës fillestare, e që është 100 euro shtesë për mësuesit.

Komunikata e ministrisë:

Me ftesë të ministres së Arsimit, Shkencës, Teknologjisë dhe Inovacionit, Arbërie Nagavci, sot janë pritur në një takim në MAShTI, përfaqësues të Sindikatës së Bashkuar të Arsimit, Shkencës dhe Kulturës (SBAShK-ut).

Ministrja Nagavci theksoi që secili prej nesh e kemi obligim moral e ligjor të sigurohemi për mirëqenien e fëmijëve dhe garantimin e së drejtës së tyre për arsim. Me këtë rast, ajo kërkoi nga përfaqësuesit e SBASHK-ut, që mësimdhënësit që nga e hëna të fillojnë procesin mësimor ndërkohë që dialogu do të vazhdojë.

Ndonëse greva është shpallur nga BSPK për 84 mijë zyrtarë publikë, ajo tha se pjesa më e madhe e punëtorëve janë në vendet e tyre të punës, kurse ata që po pësojnë nga greva e shpallur janë rreth 320 mijë nxënës që kanë mbetur jashtë bankave shkollore.

Ministrja i informoi përfaqësuesit e SBASHK-ut në lidhje me masat e fundit të Qeverisë për pakon prej 150 milionë eurosh, ku përfshihen edhe mësimdhënësit, si dhe veprimet që i ka ndërmarrë MAShTI sa i përket përmirësimit të kushteve të mësimdhënësve.

Ndërkaq, përfaqësues të Sindikatës kanë thënë se shtesa prej 50 eurosh e ndarë nga Qeveria nuk është e mjaftueshme dhe duhet të gjendet një zgjidhje për realizimin e kërkesës së tyre për 100 euro.

Ministrja Nagavci tha se MAShTI është për dialog dhe që Sindikata duhet të reflektojë në arritjen e një marrëveshje duke mos përdorur masa ekstreme.

Ndërkaq, ajo shtoi se diskutimet me SBAShK-un do të vazhdojnë sikur deri më tani. Ministria e Arsimit, Shkencës,Teknologjisë dhe Inovacionit edhe njëherë bënë thirrje që, nga e hëna, të gjithë mësimdhënësit të jenë në shkolla dhe të fillojë procesi i rregullt mësimor.

Lajme të ngjashme