Retë e stuhisë mblidhen mbi ekonominë globale: FMN ulë në 0.2 pikë përqindje rritjen ekonomike për 2023
Një e treta e ekonomisë botërore ka të ngjarë të tkurret këtë vit ose vitin e ardhshëm mes tkurrjes së të ardhurave reale dhe rritjes së çmimeve
Pushtimi rus i Ukrainës, një problem i kostos së jetesës i shkaktuar nga presionet e vazhdueshme dhe në rritje të inflacionit, dhe ngadalësimi i Kinës kanë pasur të gjitha një ndikim të rëndësishëm në ekonominë globale.
Fondi Monetar Ndërkombëtar ka ulur në 0.2 pikë përqindje (2.7 për qind) parashikimin e rritjes globale ekonomike për vitin e ardhshëm.
Ngadalësimi i vitit 2023 do të jetë me bazë të gjerë. Tre ekonomitë kryesore të botës, Shtetet e Bashkuara, Kina dhe eurozona, do të vazhdojnë të ngecin.
Në përgjithësi, goditjet e këtij viti do të rihapin plagët ekonomike që u shëruan vetëm pjesërisht pas pandemisë.
Me pak fjalë, më e keqja nuk ka ardhur ende dhe, për shumë njerëz, viti 2023 do të ndihet si një recesion.
Në Shtetet e Bashkuara, shtrëngimi i kushteve monetare dhe financiare do të ngadalësojë rritjen në 1 për qind vitin e ardhshëm.
Në Kinë, FMN ka ulur parashikimin e rritjes për vitin e ardhshëm në 4.4 për qind për shkak të dobësimit të sektorit të pronave dhe bllokimeve të vazhdueshme.
Rënia është veçanërisht e dukshme në eurozonë, ku kriza energjetike si pasojë e luftës do të vazhdojë të ketë një ndikim të konsiderueshëm, duke ulur rritjen në 0.5 për qind në 2023.
Pothuajse kudo, çmimet në rritje të shpejtë, veçanërisht të ushqimit dhe energjisë, po shkaktojnë vështirësi serioze për familjet, veçanërisht për të varfrit.
Presionet në rritje të çmimeve mbeten kërcënimi më imediat për prosperitetin aktual dhe të ardhshëm duke shtrydhur të ardhurat reale dhe duke dëmtuar stabilitetin makroekonomik, thotë FMN-ja.
