Rekrutimi rus përshkruhet nga Zelensky si një "mobilizim për në varre"
Presidenti i Ukrainës Volodymr Zelensky e quajti procesin e "mobilizimit të pjesshëm" që po zhvillohet në Rusi një "mobilizim për në varre" në fjalimin e tij të mbrëmjes të shtunën.
"Nuk ishte rastësi që mobilizimi kriminal i shpallur nga Rusia u quajt menjëherë "mobilizim për në varre" nga vetë qytetarët e Rusisë," tha Zelensky.
"Autoritetet ruse e dinë mirë se po i dërgojnë qytetarët e tyre në vdekje. Nuk ka alternativa të tjera."
Zelensky pohoi se qeverisë ruse nuk i intereson kush do të mobilizohet, qoftë "një specialist i ri IT që nuk ka shërbyer fare, apo pensionistë që kanë shërbyer vetëm në ushtrinë sovjetike".
Ai u bëri thirrje luftëtarëve rusë që të dorëzoheshin dhe tha se forcat e vendit të tij do t'i trajtonin ata me civilizim.
“Është më mirë të mos marrësh një letër rekrutimi sesa të vdesësh në një tokë të huaj si kriminel lufte. Është më mirë të ikësh nga mobilizimi kriminal se sa të gjymtohesh dhe më pas të mbash përgjegjësinë në gjykatë për pjesëmarrjen në luftën e agresionit", vazhdoi Zelensky, shkruan CNN.
