Reagon ambasadori i Shqipërisë për titrimin e serialit “Rrushe”: Një pakujdesi
Ambasadori i Shqipërisë në Kosovë, Qemajl Minxhzoi ka komentuar titrimin e serialit kosovar “Rrushe” nga televizioni shqiptar Top Channel.
Në Frontal T7, Minxhozi përkthimin e serialit kosovar e ka cilësuar si një pakujdesi jodashakeqe që ka mundur të evitohet.
“Merremi vesh patjetër. Një debat do të thoja.. nuk është një shqetësim real. Ne mes vete merremi vesh cdo ditë e më mirë. Mund ta quaj një pakujdesi jo dashakeqe, për cfarë është shfaqur, por e panevojshme. Dicka e eveitueshme, por besoj që është e paqëllimshme, por pjesë e një kanali televiziv që ka popullaritet në Kosovë”, ka thënë Minxhozi.
Tutje, ai tha se edhe vet është habitur kur ka dëgjuar për përkthimin, por thotë se janë gjëra të cilave s’duhet kushtuar shumë vëmendje.,
“Kur ma thanë, edhe unë shpreha një habi. Por janë gabime që s’duhet t’i kushtojmë shumë vëmendje”, ka shtuar tutje Minxhozi.
