Qeveria ndan 92 mijë euro për Samitin e "The Economist" për Ballkanin Perëndimor

Qeveria e Kosovës ka ndarë një shumë prej 92 mijë eurosh për Samitin e Ballkanit Perendimior, “The Western Balkans Summit 2022’’, organizim i revistës prestigjioze, "The Economist", që u mbajt dje në Prishtinë.

Ministri i Financave, Punës dhe Transfereve, Hekuran Murati, ka thënë se bizneset kosovare kanë kontribuar për ta mbështetur këtë konferencë, ndonëse shtoi se këto mjete merren nga buxheti i shpenzimeve të paparashikuara në kategorinë e rezervave.

“Bizneset kosovare kanë dhënë kontribut për ta mbështetur këtë konferencë, por meqenëse ka nevojë edhe për mjete shtesë, pjesën e mbetur prej 92 mijë eurove kërkojmë që ta miratojmë me anë të këtij propozim-vendimi”, ka thënë Murati.

Ai tutje tha se kjo është një shumë simbolike për të mbështetur konferenca të tilla edhe në të ardhmen.

“Marrë parasysh impaktin që ka një konferencë e tillë në promovimin e vendit tonë, konsideroj se është një shumë simbolike për të mbështetur konferenca të tilla edhe në të ardhmen në mënyrë që të promovohet sa më mirë Kosova”, ka thënë Murati.