Qeveria emëron bordin e ri të SHSKUK-së
Qeveria e Kosovës ka miratuar vendimin për emërimin e Bordit të ri të Shërbimit Spitalor, Klinik dhe Universitar të Kosovës (SHSKUK).
Ky vendim u prezantua nga ministri i Shëndetësisë, Arben Vitia.
“Meqenëse bordit të SHSKUK-së i ka skaduar afati, Ministria e Shëndetësisë e konsideron si të domosdoshme emërimin e bordit të ri, i cili është përgjegjës për performancen profesionale dhe afarizimin financiar të SHSKUK’së” – ka thënë fillimisht ai.
Ndërkaq, emrat e miratuar për anëtarë të Bordit janë këta: Dren Boshnjaku si përfaqësues i QKUK-ës, Tetore Olloni si përfaqësuese e QKUS, Rrezarta Bajrami si përfaqësuese e IKShPK-ës, Besim Demolli nga Spitali i Ferizajt, Vjollca Kadolli nga Shërbimi dhe Kujdesi Parësor Mjekësor, si dhe Naim Bardhiqi si përfaqësues i MSh-ës.
