Putin: Duam t’i shpëtojmë njerëzit në territoret e pushtuara
Në ditën e fundit të votimeve për aneksimin e katër territoreve të pushtuara në Ukrainë, presidenti rus Vladimir Putin thotë se Rusia dëshiron “të shpëtojë njerëzit” nga ato zona.
"Shpëtimi i njerëzve në territoret ku po zhvillohet ky referendum... është fokusi i vëmendjes së të gjithë shoqërisë sonë dhe i të gjithë vendit," tha Putin gjatë një takimi televiziv me zyrtarë.
Sipas ministrisë së Mbrojtjes të Mbretërisë së Bashkuar, ka të ngjarë që Putin të shpallë aneksimin zyrtar të rajoneve të pushtuara të Ukrainës brenda disa ditësh.
