PSD shpërndan peticionin ku kërkohet shkarkimi i ministrit Hekuran Murati
Anëtari i PSD-së, Frashër Krasniqi ka nisur një peticion në të cilin kërkohet shkarkimi i ministrit të financave Hekuran Murati.
“Ky peticion ka për qëllim që ta obligoj ministrin e Financave, Punës dhe Transfereve, z. Hekuran Murati që të jap dorëheqje. Propaganda kundër luftës çlirimtare e shprehur në deklarata të ndryshme ndër vite e bëjnë këtë ministër të papranueshëm.”, thuhet në hyrjen e peticionit.
Ndërkohë Krasniqi ka thënë se Murati nuk e kishte vetëm një postim kundër UÇK-së.
“Nuk ishte vetëm një postim kundër UÇK-së i Hekuran Muratit, por plot të tilla. Ndiqeni videon për më shumë. Nënshkruaje peticionin për shkarkimin e ministrit Hekuran Murati”, thuhet në mbishkrimin e videos të postuar nga Krasniqi.
