Prokuroria kërkon që Jakup Krasniqit e Rexhep Selimit t’iu vazhdohet paraburgimi
Prokuroria me seli në Hagë, ka parashtruar kërkesën e radhës që disa prej krerëve të UÇK-së, t’iu vazhdohet paraburgimi.
Fjala kësaj radhe është për Jakup Krasniqin e Rexhep Selimin, transmeton Nacionale.
Në kërkesën e dorëzuar te gjyqtari, Prokuroria pretendon se nuk kanë ndryshuar arsyet që dy të akuzuarit të mbeten në paraburgim.
Fjala është për rrezikun e ikjes, ndikimit në prova e dëshmitarë, dhe fuqinë politike që Selimi e Krasniqi e kanë në Kosovë.
Ish-krerët e UÇK-së tash e dy vjet po mbahen në paraburgim në Hagë.
