Profesori Krasniqi i pakënaqur me marrëveshjen për dokumentacion, kritikon tabelën e vendosur nga Serbia

Profesori Milazim Krasniqi, përmes një postimi në Facebook, ka shpërndarë një fotografi që tregon një tabelë në kufirin serb pas marrëveshjes mes Kosovës dhe Serbisë për njohjen e dokumentacionit.

Në këtë tabelë shkruan: “Mundësimi i shfrytëzimit të letërnjoftimeve të lëshuara nga ana e Prishtinës (Kosovës) bëhet ekskluzivisht nga shkaqe praktike, për ta lehtësuar pozitën e individëve dhe mundësimin e lirisë së lëvizjes, në pajtim me Marrëveshjen për lirinë e lëvizjes të arritur në dialog në vitin 2011, nuk mund të interpretohet si pranim i pavarësisë së shpallur njëanshëm të Kosovës dhe nuk mund të interpretohet si pajtim i Beogradit për të heqë dorë nga rezoluta e Këshillit të Sigurimit të Kombeve të Bashkuara 1244 (1999).”

Kraniqi ka thënë se nëse kjo nuk përbën fyerje për shqiptarët e Kosovës, atëherë definicioni i kësaj fjale mbetet i pa qartë.

Postimi i Krasniqit në Facebook:

Kjo tabelë fyese do të presë shqiptarët në kufirin serb, si peshqesh nga marrëveshja e re Kurti-Vuçiqi: “Mundësimi i shfrytëzimit të letërnjoftimeve të lëshuara nga ana e Prishtinës (Kosovës) bëhet ekskluzivisht nga shkaqe praktike, për ta lehtësuar pozitën e individëve dhe mundësimin e lirisë së lëvizjes, në pajtim me Marrëveshjen për lirinë e lëvizjes të arritur në dialog në vitin 2011, nuk mund të interpretohet si pranim i pavarësisë së shpallur njëanshëm të Kosovës dhe nuk mund të interpretohet si pajtim i Beogradit për të heqë dorë nga rezoluta e Këshillit të Sigurimit të Kombeve të Bashkuara 1244 (1999).” Nëse nuk është fyerje për shqiptarët e Kosovës kur u thuhet se Kosova nuk është shtet, atëherë mbetet të definohet çka është fyerja.