Presidentja e pret në takim Ballkanin para ndeshjes me Sivassporin

Kampioni i Kosovës, Ballkani, ka shkuar në vizitë te Presidentja e Kosovës, Vjosa Osmani, me ftesën e kësaj të fundit, në prag të ndeshjes kundër skuadrës turke, Sivasspor.

Njoftimin për vizitën e ka bërë skuadra suharekase me anë të rrjetit social Facebook, ku u tha se Vjosa Osmani ka uruar skuadrën për arritjen e klubit dhe i ka dëshiruar suksese në rrugëtimin tutje në Evropë.

Postimi i Ballkanit

𝗙𝗮𝗹𝗲𝗺𝗶𝗻𝗱𝗲𝗿𝗶𝘁 𝗣𝗿𝗲𝘀𝗶𝗱𝗲𝗻𝘁𝗲

Sot me ftesën e të parës së vendit ishim në presidencë. Vjosa Osmani na uroi për arritjen e klubit si dhe na dëshiroj suksese në ndeshjen e nesërme dhe rrugëtimin tutje në evropë.

𝗙𝗖 𝗕𝗔𝗟𝗟𝗞𝗔𝗡𝗜🟠

#KrenariaeKosovës

#fcballkani

#uefaconferenceleague

Ballkani do ta zhvillojë ndeshjen e ardhshme në Ligë të Konferencës nesër, ndaj Sivassporit që e mposhti një javë më parë me rezultat 4:3 dhe tani ndeshja në Fadil Vokrri do të jetë shumë e rëndësishme për vazhdimësinë e kampionit kosovar.

Më herët Ballkani njoftoi se janë shitur të gjitha biletat në stadium për këtë ndeshje.