Presidenti iranian: Irani “nuk mund të vazhdojë me luftë përgjithmonë”

Presidenti i Iranit, Masoud Pezeshkian, deklaroi të dielën se vendi “nuk mund të vazhdojë me luftë përgjithmonë”, mes shenjave për dallime në udhëheqjen iraniane lidhur me negociatat me Shtetet e Bashkuara.

Gjatë dy paraqitjeve në Teheran, Pezeshkian mbrojti memorandumin e mirëkuptimit të arritur me SHBA-në në qershor, pavarësisht rezervave të raportuara brenda udhëheqjes së vendit, sipas CNN.

“Një ditë duhet të merret një vendim për ta shpëtuar vendin nga gjendja ‘as luftë, as paqe’”, tha ai.

Sipas Pezeshkianit, personat e përfshirë drejtpërdrejt në negociata kishin vlerësuar se memorandumi përbënte rrugën më të mirë përpara.

“Duke e zbatuar këtë memorandum, mund t’i zgjidhim problemet me logjikë dhe dinjitet”, citohet të ketë thënë presidenti nga agjencia shtetërore IRNA, shkruan CNN.

Marrëveshja dështoi muajin e kaluar.