Posti i profesoreshës në Shkup për Baljen, Miftaraj: Qeverisje tipike "made in Albin Kurti"
Drejtori i Institutit të Kosovës për Drejtësi, Ehat Miftaraj, ka komentuar konfirmimin e deputetes Duda Balje se i është ofruar posti i profesoreshës në Shkup, në këmbim të votës për Albulena Haxhiun.
Ai ka bërë me dije se kjo flet për qeverisje të bazuar në parime dhe pazare politike.
Në profilin e tij në “Facebook”, ai ka shkruar se kjo është qeverisje tipike e Albin Kurtit.
“Deputetja Duda Balje konfirmon se asaj i është ofruar të bëhet profesoreshë në Shkup, në këmbim të votës për Albulena Haxhiun. Qeverisje e bazuar në parime dhe pazare politike. Qeverisje tipike made in Albin Kurti. Gjithçka ka çmim. Çka nuk blehet me pak pare blehet me më shumë pare”, ka shkruar Miftaraj.
