Policia e Gjilanit konfiskon 22 patentë shofer e shqipton mijëra gjoba - NACIONALE

Policia e Gjilanit konfiskon 22 patentë shofer e shqipton mijëra gjoba

1 muaj më parë

nga NACIONALE

Policia Rajonale e Gjilanit ka njoftuar se ka shqiptuar 1 mijë e 508 gjoba për kundërvajtje për një javë.

Përmes një komunikate drejtuar mediave, Policia ka bërë me dije se gjatë kësaj jave ka konfiskuar dhe 22 patentë shoferë, ka hetuar 12 aksidente me dëme materiale dhe 11 tjera me të lënduar.

KOMUNIKATA:

Aktivitete javore të komunikacionit rrugor, Drejtoria Rajonale e Policisë Gjilan

Gjilan, 02 shtator 2022

Drejtoria Rajonale Gjilan, Njësia Rajonale e Komunikacionit Rrugor dhe Stacionet Policore të DRP Gjilan gjatë periudhës kohore 26.08.2022 - 01.09.2022 kanë realizuar aktivitete në zonën e përgjegjësisë që mbulon shtatë komuna ku janë shqiptuar total: njëmijë e pesëqind e tetë (1508) gjoba për kundërvajtje të ndryshme si: mos respektimi i shpejtësisë, tejkalim në vijë të plotë, drejtimi nën ndikimin e alkoolit, drejtimi i mjetit pa patentë shofer, mos mbajtja e distancës, gjendja jo e rregullt teknike e automjetit, skadimi i afatit të regjistrimit, përdorimi i telefonave mobil, xhamat e errët, brezit të sigurisë etj.

Gjatë kësaj jave nga Njësia Rajonale e Komunikacionit Rrugor dhe Stacionet Policore në vazhdën e implementim i Planeve Operative ,,Sezoni Veror’’, ,,Siguria në trafikun rrugor’’ dhe projektit ,,Patrullimi inteligjent’’ janë ndërmarr aktivitete:

• Hetim i dymbëdhjetë (12) aksidenteve të komunikacionit me dëme materiale,

• Hetim i njëmbëdhjetë (11) aksidente të komunikacionit me të lënduar,

• Konfiskuar njëzet e dy (22) patentë shofer,

• Shqiptim i nëntë (9) kundërvajtjeve për vozitës të motoçikletave.

Njësia Rajonale e Komunikacionit Rrugor dhe Stacionet Policore të DRP Gjilan kanë mbajtur dhe vazhdojnë të mbajnë pika të shumta të kontrollit të automjeteve me qëllim të prezencës sa më të madhe në terren dhe parandalimit të aksidenteve të komunikacionit rrugor, me theks të veçantë të aksidenteve me fatalitet.

Drejtoria Rajonale e Policisë në Gjilan, inkurajon mediat dhe qytetarët që për të gjitha kundërvajtjet që mund të shkaktohen në komunikacion, të njoftojnë Stacionin më të afërm të Policisë, apo përmes aplikacionit digjital “Lajmëro Policinë’’, E-mail: info@kosovopolice.com dhe numrat kundestarë:192; 03850807001.

Të dhënat e juaja do të ruhen ne konfidencialitet të plotë.

Lajme të ngjashme