Polica jep detaje për arrestimin e zyrtarit të ATK-së: U zu në veturë të shtetit duke konrabanduar barna
Policia e Kosovës ka dhënë detaje në lidhje me arrestimin e një zyrtari të ATK-së. Sipas komunikatës së Policisë, dy zyrtarë të ATK-së po lëviznin me veturë zyrtare pronë e ATK-së, në magjistralen Mitrovicë-Leposaviq. Aty u gjend sasi e barnave pa banderolë.
Njëri nga zyrtarët u ndalua për 48 orë.
E plotë:
Arrestohet një i dyshuar për përfshirje në ‘keqpërdorim i pozitës apo autoritetit zyrtar’ dhe ‘kontrabande i mallrave’
Prishtinë, më 1 shkurt 2024
Hetuesit policorë nga Drejtoria për Hetimin e Krimeve Ekonomike dhe Korrupsionit (DHKEK), përkatësisht Njësia Rajonale për Hetimin e Krimeve Ekonomike e Korrupsionit në Mitrovicë-Veri (NJRHKEK), sot më 01.02.2024 rreth orës 09:30, janë njoftuar për një rast nga njësia policore e Stacionit Policor-Zveçan.
Patrulla policore në magjistralen Mitrovicë-Leposaviq, tek ura e Bistricës në një pikë kontroll ka ndalur veturën me targa zyrtare, pronë e Administrata Tatimore të Kosovës të cilën e drejtonte personi L.P. zyrtar i Administratës Tatimore të Kosovës (ATK-së) dhe së bashku me të ishte edhe një pasagjeri T.J. po ashtu zyrtar i ATK-së. Gjatë kontrolli të veturës në fjalë në bagazhin e veturës janë gjetur një sasi e barnave të ndryshme me banderola të Serbisë, për të cilat nuk posedonin dokumentacione.
Mbi bazën e këtyre veprimeve është krijuar dyshimi, se i dyshuari me iniciale L.P. dyshohet se ka kryer veprën penale: ‘keqpërdorim i pozitës apo autoritetit zyrtar’ dhe ‘kontrabande i mallrave’.
Të gjitha veprimet hetimore kanë qenë të koordinuara me prokurorin kompetent të PPTH-Mitrovicë, ku i dyshuarit L.P. pas intervistës në prezencë të avokatit mbrojtës, me vendim të prokurorit është ndaluar për 48 orë. Ndërsa pasagjeri T.J. pas intervistës me urdhër të prokurorit është liruar.
