Petkoviqi e anulon vizitën në Kosovë: Ma ndaluan 80 përqind të planprogramit
Drejtori i Zyrës për Kosovën në Qeverinë e Serbisë, Petar Petkoviq, ka thënë se e ka anuluar vizitën e tij në Kosovës, pasi, sipas tij, institucionet e Kosovës atij ia kanë ndaluar 80 përqind të planprogramit.
Para gazetarëve në Pasjan të Gjilanit, ai tha se vizita e tij u miratua plotësisht të mërkurën në orën 16:00, por tutje Petkoviqi deklaroi se rreth mesnatës i erdhi një shkresë elektronike, që e informonte se pjesa më e madhe e vizitës ishte e ndaluar, shkruan "Kosovo Online".
