Pas fitores së SNS-së në Serbi "Vuçiqi mbetet kyç për Perëndimin në shmangien e ndezjeve në Kosovë", shkruan Politico

Presidenti i Serbisë, Aleksandar Vuçiq duket i vendosur “për të forcuar edhe më tej pushtetin e tij”, ka shkruar media prestigjioze “Politico” në një artikull kushtuar zgjedhjeve parlamentare serbe, ku Partia Përparimtare Serbe sërish korri fitore bindëse – në rezultatet preliminare diku rreth 47-48%.

“Politico” shkruan se kjo shkallë fitoreje do të thotë që Vuçiqi “i cili balancon marrëdhëniet e tij me Perëndimin dhe lidhjet e përzemërta me Kremlinit, do të mbetet figurë në përqendrimin e diplomacisë së ShBA-së dhe BE-së në Ballkanin Perëndimor, në veçanti në kuptimin e shmangies së ndjezje të rëndë në Kosovë”.

Duke folur në selinë e Partisë Progresive Serbe (SNS) të Vuçiqit, kryeministrja serbe Ana Brnabiç tha se partia në pushtet ishte në rrugën e duhur për të fituar 47 për qind të votave dhe parashikoi se SNS do të ishte në gjendje të formonte një koalicion me një shumicë parlamentare. Ajo tha se kjo ishte më shumë se dyfishi i mbështetjes së opozitës së bashkuar — Serbia kundër dhunës — e cila u formua pas dy të shtënave masive në maj.