Osmani për Ibrahim Rugovën: Ati themeltar që shquhej për vizionin e tij largpamës

Presidentja e Kosovës Vjosa Osmani, ka bërë homazhe në nderim të Presidentit historic Dr.Ibrahim Rugova.

Osmani e ka quajtur “Ati themeltar shquhej për vizionin e tij largpamës për një Kosovë të lirë, të pavarur, demokratike dhe të integruar në familjen euroatlantike.” – ka shkruar Osmani.

E plotë:

Me krenari dhe respekt të thellë, bashkë me përfaqësues të korit diplomatik, bëmë homazhe në nderim të Presidentit historik, Dr. Ibrahim Rugova, njeriut që udhëhoqi popullin e Kosovës në rrugën drejt lirisë dhe pavarësisë.

Ati themeltar shquhej për vizionin e tij largpamës për një Kosovë të lirë, të pavarur, demokratike dhe të integruar në familjen euroatlantike. Ai mbetet simbol i paqes e lirisë, ndaj lavdia e tij është e përhershme!