Osmani dënon djegien e veturës së nënkryetares së Leposaviqit: Ky akt kriminal synon të përhapë frikë te serbët
Presidentja e Kosovës, Vjosa Osmani, ka dënuar djegien e veturës së nënkryetares së Leposaviqit, Dragana Miletiq.
Ajo ka bërë me dije se një veprim i tillë është vepër kriminale që synon të përhapë frikë te serbët e Kosovës.
Në llogarinë e saj në platformën “X”, ajo ka shkruar autorët e këtij akti do të përballen me drejtësinë.
“Djegia e veturës së nënkryetares së komunës së Leposaviqit, znj. Dragana Miletiq, është vepër kriminale që synon të përhapë frikë te serbët vendas dhe të pengojë integrimin e tyre në institucione. Autorët e këtij akti frikacak dhe të neveritshëm do të përballen me drejtësinë”, ka shkruar Osmani.
The burning of the car belonging to the deputy mayor of Leposavić, Mrs. Dragana Miletić, is a criminal act that aims to spread fear among local Serbs and inhibit their integration into 🇽🇰 institutions.
— Vjosa Osmani (@VjosaOsmaniPRKS) November 14, 2023
The perpetrators of this cowardly and despicable act will face justice. https://t.co/xbDZHyuYAm
