Nora Gjakova siguron medalje në rikthimin nga lëndimi, lufton për të artën në Abu Dhabi

Nora Gjakova ka kaluar në finale të Grand Slamit Abu Dhabi dhe do të luftojë për medalje të artë, pasi e mundi Eteri Liparterianin në gjymsëfinale.

Kampionia olimpike e Kosovës e kaloi pa telashe gjeorgjianen në kategorinë -57 kilogramë, raporton Nacionale. Kalimi në finale nënkupton se Gjakova e ka siguruar të paktën medaljen e argjendtë në Emiratet e Bashkuara Arabe në atë që është turenu i saj i parë pas më shumë se një viti mungese si pasojë e lëndimit.

Ky është turneu i parë garues për 30-vjeçaren nga Peja pas një pushimi 15-mujor si pasojë e lëndimit dhe operimit në krah. Gjakova nuk kishte garuar më që prej Lojërave Olimpike 2020 në Tokio vitin e kaluar.