Nitaj i AAK-së pas takimit përgatitor të kuvendit: Dikush po punon që të bëhet llugë dhe të shkojmë në zgjedhje të reja
“Dikush po punon që të bëhet llugë dhe vendi të shkojë prap në zgjedhje”.
Kështu konstatoi Sekretari i AAK-së, Muharrem Nitaj, pas takimit përgatitor për seancën e konstituimin të Kuvendit të Kosovës.
Nitaj parasheh se edhe seanca për themelimin e Kuvendit duket se do të del të jetë e konstituuar – dhe se një gjë e tillë mund të bëhet të mbetet edhe në duart e Listës Serbe.
Postimi i plotë:
Tejet i komplikuar procesi i krijimit të qeverisë. Deri me tani nuk ka shenja se VV i ka siguruar numrat e nevojshëm për krijimin e qeverisë.
Gjithçka mbetet e hapur për opozitën, e cila si e bashkuar, e ka shumicën, sado që formulë njëkohësisht e komplikuar edhe kjo.
Duket që edhe konstituimi i Kuvendit do të jetë një veprim, poashtu i komplikuar.
Në mbledhjen e sotme me Kryetarin e Kuvendit, u tha se sipas rregullores, Kuvendi konsiderohet i konstatuar, pasi që të zgjedhen Kryetari dhe pesë nënkryetarët, përfshirë edhe dy nënkryetarët nga radhët e pakicës serbe dhe komuniteteve të tjera jo shumicë.
Sipas kësaj logjike, është e mundur që konstituimi i Kuvendit, të jetë në dorën e Listës Serbe!
Krejt po duket se dikush po punon që të bëhët llugë e vendi të shkojë prap në zgjedhje!
